 |
| Albert 'Betong' Sumaya - Celebrity Sole Survivor |
Si Albert "Betong" Sumaya ang nagwagi sa titulong Celebrity Sole Survivor at nag-uwi ng P3 milyong premyo sa Survivor Philippines Celebrity Doubles Showdown nitong Biyernes.
Nakalaban ni Betong sa titulong Sole Celebrity Survivor sa ika-apat na season ng Survivor Philippines sina Mara Lopez Yokohama at Stef Prescott.
Ang pitong Jury Members na pumili ng nanalong Sole Celebrity Survivor ay sina Chuckie Dreyfus, Arthur Solinap, John Odulio, Gino dela Peña, Arnold Aninion, Maey Bautista, at ang huling napatalsik sa isla na si KC Montero.
Sa finale ng Survivor Philippines Celebrity Doubles Showdown na ipinalabas sa GMA 7, at pinangunahan ng host na si Richard Gutierrez, lumitaw na apat na boto ang nakuha ni Betong kontra sa dalawang boto ni Mara at isa kay Stef.
Ang mga castaways ay 36 na araw na nagtagisan ng lakas at nagpautakan sa isang isla sa Palawan.
Ang unang tinanghal na Celebrity Sole Survivor ay ng Brazilian-Japanese model turned actor na si Akihiro Sato sa 3rd season ng Survivor Philippines at nagsilbing unang Celebrity Showdown.